intro:     De wèkker geit, drek wakker waere,
             flot ‘t nès oet, wessje, sjaere.
             Pieke, pruuk en pekske pakke,
             tössjedoor nog eijer bakke.  
             Sjnuutje sjminke, sjnel get bikke,
             hòndj oetlaote, deur toe klikke,  
             sjus eweg, s.m.s; vrouw vergaete, wat ‘ne sjtres.    

             Mer dan klopste aan diej vastelaovesdeur,
             dan dènkste jòng, dao deiste ’t toch veur!

refrein:   Hiej wurt de kop ‘ns lekker laeg gesjöd, mer jòng….. dat is ‘t.
             Hiej sjpeult de kater door de göt, ao luuj…..ich wis ‘t.
             Hiej kikkert zelfs enne kwakkert nog van op,
             ich wis besjlis, dat is ‘t.              
             En ’t sjoanste is doe kris ‘t,  
             veur niks, veur nop, dat is top.

koeplet:  Noe mòsse toch ’ns kieke, wiej luuj zich hiej verrieke,
              biej al diej millodieje hun bènneste verblieje.
              Ich zeen en huëur allein plezeer,
              en wat ich preuf dat sjmaak nao meer.

refrein.     

koeplèt:  D’n dokter mit zien pille  en al zien tirrapieje, 
             dae maog noe effe tjille, dae haet vandaag ‘ns vrieje. 
             Want nemes veult ‘n sentje pien,
             dit is de bèste millesien.


refrein. 2x

sjlot:      Dao sjteiste sjmörges gaer veur op!